Resensi Dongeng & Cerito Nusantara : Kedadean Banyuwangi

1. Identitas Buku
a. Judul Buku : Dongeng & Cerito Nusantara : Kedadean Banyuwangi
b. Penerbit      : Karunia Jaya Surabaya
c. Halaman     : 118 halaman (hal 37-38)

2. Sinopsis
Ing jaman riyen wonten tlatah JawaTimur gesang Raja lan Permaisuri ingkang sami-sami tresna. Kados pundikemawon permaisuri menika ugi anggadahi paras engkang ayu lan gemati dening keluargi. Gejaba meika piyambake ugi setiya sanget dening garwanipun.

Wonten sawijining dinten, Raja nduwe pangangkah kesah datheng ngalas konjuk berburu menjangan lan sangsam. Raja banjur bidhal kanthi rencangi para pengawale. Saksampune dangu wonten ngalas, Raja banjur kondur dhateng kraton. Permaisuri bungah sanget nalika ningali Raja kondur. Permaisuri caos pirsa dateng Raja menawi sakjroning Raja kesah wonten tami saking kraton sanes. Nanging nalikaning Raja badhe memoni tamu punika, dumadakan Raja mireng menawi tamu kesebat akrab sanget dening Permaisuri. Kedadean menika anggawe Raja duka uga cemburu lan nuduh Permaisuri sampun selingkuh kaliyan tamu punika. Permaisuri mitadosaken Raja menawi punika mboten leres.

Nanging Raja tetep mboten percaya marang permaisuri. Sinambi nangis banjir eluh Permaisuri criyos "Rama, kula kersa mbuktikaken menawi kula mboten salah, Kula badhe nyemplung wonten kali wingking keraton, menawi mangke toya kali punika mambu busuk, nandake tuduhan Rama dateng kula menika leres. Nanging, menawi toya kali punika wangi, nandake tuduhan dening kula mboten leres. Wilujeng tilar Rama". Sakwise kedadean kesebat, kali panggen tilaripun Permaisuri punika dipunsukani nami "BANYUWANGI"

3. Amanat
Aja terburu-buru menyimpulkan samubarang. Aja ketlajuk percoyo karo keadaan. Sadurung anane bukti sing kuwat.

Cerkak Bu Guru Rengganis

Bu Rengganis kalebu guru sing melek teknologi informasi. Ha-pe ora tau uwal saka tangane. Pakulinan ‘dolanan’ ha-pe mau kerep ngundang rerasanane kanca-kanca guru ing papanku nyambut gawe. Rerasanan lagi mandheg sawise Bu Rengganis mlebu ruwang guru. Sipate manungsa racake pancen ngono, wani silit wedi rai. Aku minangka guru anyar ing kene bisaku mung ngrungokake rasan-rasane kanca guru mau tanpa wani nyenthulani.

Ing facebook lan whatshap Bu Rengganis uga asring nulis status. Ana wae kang dadi bahan tulisane, kalebu masang photo kegiyatan pelatihan, photo wancine mulang ing kelas lan dhokumentasi kegiyatan liyane. Aku sambung karo Bu Rengganis wis rong taun iki ana media sosial, pase wiwit aku pindhah mulang ing SMP Negeri 1 Sukasari. Kanggoku Bu Rengganis kang grapyak lan semanak marang sapa wae iki pantes diacungi jempol. Prestasine manjila, akeh pangaji-aji kang karengkuh, wiwit saka juwara guru idhola, guru berprestasi tingkat kabupaten nganti tingkat nasional.

Nanging ora kabeh kanca guru seneng klawan prestasine Bu Rengganis. Kaya ing awan iki, ana rerasan kang gawe abange kuping. Wose, wiwit awan kuwi ana peraturan anyar kanggo guru, yaiku wajib absen nganggo fingerprint, absen kanthi cara ndudulake driji penudinge ing piranti elektronik kanggo bukti kehadiran. Diwiwiti jam 06.30 nganti jam 14.00. Sadurunge jam loro awan guru ora kena mulih. Mula karo ngenteni jam mulih, kanca guru padha ngisi wektu kayata ngrampungake garapan, ngothak-athik prangkat mulang, ngoreksi naskahe siswa lan uga ana kang turu senggar-senggur ing kamar UKS. 

         

“Mulai absen maneh Bu Rengganis, tindak ngendi iki Bu Rengganis guru keren tur manis kok ora katon irunge?” pitakone Bu Badriyah guru IPA. "Biyasa, guru berprestasi rak ya kudu ngono, sibuk mrana-mrene, jam terbange dhuwur. Beda karo guru utun kaya awake dhewe ngene iki sing saben ndina mung ndhuwel ing sekolahan,” tumanggape Bu Nur Hamidah.

Amanat :

Dadi wong kui ojo wani ing mburi wae yen wani langsung ae ngomong ing ngarep, lan dadi wong iku ojo seneng gosip kerana gosip iku isok dateng ake maksiat. Lan ojo seneng ngomongno wong seenak e kerana gorong tentu seng di omongno tentang wong kesebut iku bener.

Resensi Novel Kadurakan ing Kidul Dringu

1. Identitas Buku
a. Judul Buku : Kadurakan ing Kidul Dringu 
b. Pengarang  : Suparto Brata
c. Penerbit     : Narasi
d. Halaman    : 192 halaman

2. Sinopsis

Desa dringu menika wonten ing sawetanipun kutha Probolinggo,taksih kepetung trajange dalan gedhe Daendels. Nalika wonten ing taun 1947 Wimbadi dipun pindhah jawatipun wonten ing Probolinggo. Wimbadi mboten kedah pados pondhokan amargi wonten saderekipun saking sala wonten ing Dringu yaiku mbakyu Pandam, garwanipun mbakyu, mas Pandam  ngasta wonten pabrik gula. Mbakyu Pandam saweg ngandhut lan niate badhe babaran wonten Sala, dados Wimbadi saged ngancani Mas Pandam.Saben dinten Wimbadi nitih sepeda saking Dringu-Probolinggo. Amarga kantore mboten tebih sanget dados ngangge sepeda. Mbakyu Pandam mboten kagungan abdi, dados sedaya dipun cepeng piyambak. Gadhah ingon-ingon asu jenenge Tambur.

Dina iku tanggal 21 Juli awan-awan jam loro Wimbadi mulih saka kantor, akeh montormabur klinteran mbrengengngeng. Ngantos jam 4 sonten, Wimbadi lan mas Pandam sami-sami bingunge. Jebul swara montormabur lan swara bedhil-bedhil senjata api mau kuwi tandane perang. Wonten prahoto kang sejatosipun kangge momot-momot barang ananging prahoto menika malah momot-momot wong , banjur Wimbadi lan mas Pandam mlayu saka kana, liwat mburi omah nanging liwat mburi omah kedah mlumpati tembok kang dhuwure 3 meter. Lajeng mas Pandam mlumpat, Wimbadi bingung tapi melu ngetutaken mas Pandam, si Tambur jegog-jegog ana ing ngisor tembok, diprentah mas Pandam mubeng. Wimbadi lan mas Pandam mlayu liwati sawah, mas Pandam tiba ngrungkebi galengan, mas Pandam ora obah . Wimbadi bingung, Wimbadi mlayu saka kana lan nggolek panggonan kang aman. Nalika iku jaman-jaman walanda ngawontenaken serangan sasi juli 1947, objek-objek vital dipun bumihangusaken.

Wimbadi saiki wonten ing dusun sak kidulipun dusun Dringu. Wonten mriku Wimbadi sareng kaliyan pengugsi sanes. Wonten Dulmanan, Dasiyun, Martimbang lan Martimbul , Dul Genuk , Basuki, Kusman, mas Adi Waluya lan sapiturutipun. Wimbadi inggih tresna kaliyan Kenya ingkang ayu namanipun Kingkinarti. Piyambakipun ngarosaken benten nalika pepanggihan kaliyan Kingkinarti. Wimbadi nyuwun marang si Dulmanan supados piyambakipun saged cedhak kaliyan Kingkinarti. Wimbadi sampun nganggem pinten-pinten cara, nanging Kingkinarti mboten mendhel.

Kahananipun kutha Probolinggo sangsaya kisruh. Pemudha-pemudha wonten dusunipun Wimbadi mboten amung ngratapi kedadeyan sedaya menika. Nalika ndalu padha ngawontenaken serangan bebarengan. Padha nyabrang dalan Daendels. Ingkang dados kepala regu Mas Adi Waluya, wakil regu Ananta, Dul Genuk, Wimbadi, Basuki, Dasiyun, Dulmanan, Martimbang lan Martimbul, Kusman. Ananging wonten serangan menika Dul Genuk kena peluru lan sekarat. Para pemudha inggih menika bingung amargi Dul Genuk ketembak tentara walanda. Lajeng Dul Genuk dibekta wonten dusun malih, wonten ing dusun menika para pemudha bingung amarga peluru menika kedah dipundhut supados Dul Genuk mboten ke lara lara, badhe wonten mantra tebih, kahanan inggih mboten saged dipun paksa, ketua regu lajeng damel undian kangge sinten tiyang ingkang kedah nembak mati Dul Genuk, supados Dul Genuk mboten ke lara-lara. Dasiyun kang kedah nembak Dul Genuk. Kedadeyan menika sedaya ugi ndamel perkawis ingkang boten rampung , Dasiyun bunuh diri, Kusman kenthir. Wibadi sangasaya bingung dening kahanan menika, lajeng piyambakipun tindhak saking dusun menika pados panguripan ingkang langkung tentrem, kutha Sala ingkang dados tujuan. Wonten Sala Wimbadi saged pepanggihan malih kaliyan Kingkinarti, ingkang jebul saweg ngandhut. Kingkinarti lajeng nyariosaken kedadeyan saksampunipun Wimbadi kesah saking dusun menika.

3. Amanat

Kita boten pareng ajrih lawan para penjajah, menika samoun dados kewajiban para WNI ingkang sae, berkorban jiwa raga kangge bangsa tercinta. Kita ugi ampun amung ratapi nasib ingkang saweg dipun adepi ananging kedah usaha supados saged urip raharja mulya lan bahagia

Resensi Novel Sang Pangeran Pati

1. Identitas Buku :
a. Judul Buku : Sang Pangeran Pati
b. Pengarang  : Fitri Gunawan
c. Penerbit      : Q Publisher
d. Halaman     : 203 halaman

2. Sinopsis

Novel kanthi judul "SANG PANGERAN PATI" dening Fitri Gunawan kuwi nyeritakaken lika-likune dunia jurnalistik kang kabuntel roman dhimen krasa kuwih nges kang duwe peran utama yaiku Suryo Baskoro. Suryo Baskoro kuwi priya kang duweni pasuryan bagus pideksa, pinter, andap asor, pinter sesrawungan, lan pinter gawe ati para wanita luluh. Suryo Baskoro dadi wakil ketua redaksi ana ing perusahaan koran Cahaya Kita makili Prihastuti Kusumo kang dadi Ketua Redaksi Cahaya Kita amarga perusahaan koran iku duwene kang rama Broto Kusumo. Suryo Baskoro di wenehi dening Broto Kusumo kanggo dadi wakil amarga diyakini bisa gawe Cahaya Kita luwih maju, Suryo Kusumo ora nyia-nyiakaken jabatan kang diparingi karo Broto Kusumo, malah Suryo wis dianggap kaya anak lanange dewe marang Pak Broto. Prihastuti kang biasa ditimbali mbak Tuti marang Suryo uga wis ngaggap Suryo adhine dewe. Deweke percaya sak penuhe marang Suryo dadi tangan kanane deweke. Marang kanca-kamca kantore Surya disebut pangeran pati amarga apa wae tugas kang diwenehake marang Suryo bakal beres ora ana sek kececer senajan kang nggarap santai kaya ora ana beban beda karo karyawan liyane. Suyo duweni program kerja anyar kanggo karyawane nanging karyakan kang dianggap bisa gawe Cahaya Kita dadi luwih apik. Nanging saka program kerja sing anyar kuwi Suryo tumindak culika, Suryo dumadakan dadi milyader amarga nampa cek saka Kanwil Mardi Putro deweke diparingi cek 50 yuto amarga tumindak culika marang Cahaya Kita, nanging Suryo uga duwe konflik batin, sebarenge deweke dadi milyader malah sisihan atine Surtikanthi ilang saka regeman amarga keputusane kang rama Suryono amarga Suryo dianggap ora akeh banda. Nanging Suryo ngrasa maremmerga bisa buktina yen bisa dadi milyader senajan hasil saka tumindak culikane marang kode etik jurnalistik. Suryo ngotak atik berita, molak malik kabeneran amarga merasa dendan marang Suryono kang wis tau ngina Suryo. Rampung saka masalah internal Suryo diadepi karo masalah eksternal, Suryo ngrasa deweke kendel karo Basuki (Koordinator Liputan) lan Sri Wahyuni (Redaktur Opini). Nanging Pemimpin redaksi Prihastuti luwih kendel amargi wani nolak perintahe Walikota Aryo Guritno sing mrentah supaya artikel tulisan anak buahe Prihastuti kudu enggal enggal dicetak. Nanging saka gambaran kendel kuwi Prihastuti uga duwene rasa elas asih amarga deweke ngerangkep dadi wakil ketua perusahaan, wong kang ayu, pinter, welas asih iku gambaran saka Prihastuti Kusumo. Penggalihe Prihastuti muncak menawa ngerti yen Suryono manfaatke Cahaya Kita kanggo mborong koran pesainge supaya mati pasarane lan dadi tambah sugih. Saka tumindak kuwi Broto Kusumo krungu langsung nganakake rapat keluarga karo Prihastuti lan adine Wisnumurti Kusumo ngubah struktur organisasi nang perusahaane Suryo kang jabat dadi wakil ketua redaksi mudun dadi redaktur teknisi. Prihastuti dadi pemimpin umum/pemimpin perusahaan, Wisnumurti dadi ketua redaksi lan wakile diganti karo Basuki.

Saka masalah masalah kang di gawe karo Suryono,Suryono kaya duweni musuh piranga pirang, Suryo di culik karo utusane salah sijine calon gubernur amarga pawarta kang di wolak walik kabenerane marang Suryo,deweke di utus marang kangmase Guritno sing uga nyalon dadi gubernur. Masalah iki klebu masalh klimaks saka novel SPT iki. Suryo di sekap ana ing hotel karo wong papat utusane pesainge kangmase,kang dadi penyelamet ana ing kedadean iki yaiku Surti,Surti di kabari adhine Suryo,Suryawati Suminar yen kangmase ora mulih rong dina awit budal kerja. Surti kaget krungu kabar kuwi banjur age age luru Suryo nganggo tgeknologi canggih yaiku pendeteksi tempat kanng wis tau di pasang deweke ana ing plat nomer mobil X-type kendaraane Suryo. Sak banjure Suryo ketemu ana ing hotel,kmondisine Suryo mrinani banget,mripate di tutupi,tangane di banda ngansi pingget. Deweke kaget weruh Suryo ana ing kondisi kaya iku,Suryo banjur age age di gawa metu,petugas hotel arep lapuran polisi nanging di penging marang Suryo amarga yen lapur polosi Suryo bakal luwih cilaka. Surti banjur nakoni Suryo kaya wartawan lagi nakoni narapidana Korupsi ora ana late,orana ana bare nanging Suryo mung nanggepi kanthi santai amarga Suryo wis ngerti yen kuwi resikone. Ucul saka masalah kang wigati kuwi Suryo malah entuk rejeki nomplok amarga deweke bajur bisa nggarbini Surti,banjur deweke malah melu Surtikanthi menyang Amerika nerusake pendidikan S3 ngancani bojone kang entuk beasiswa kango neruske dadi doktor,wis ngono kaluwargane Prihastuti isih nyangoni kanggo uripe Suryo lan Suti ana ing Amerika,ora mung kuwi wae,Suryo uga entuk duwit saka Aryo Guritna kangmase amarga berhasil dadi Gubernur saka pangorbanane Suryo. Banjur suryo karo Surtikanthi urip tentrem ana ing Amerika.  

3. Amanat

Golek rejeki lan nyambut gawe kudu duweni sikap jujur lan setia. Jujur marang awake dewe lan jujur marang atasan sarta perusahaane,setia marang atasan lan keputusan atasan lan setia karo sisihan atine senajan ngenteni suwi. Aja ana rasa dendam marang sapa wae,amarga dendam bisa gawe wong tumindak culika. Kudu duwe sikap andap asor,welas asih marang wong liya ora kena sewena wena amrang bawahan lan kudu tegas karo keputusan akhir.

Resensi Dongeng & Cerito Nusantara : Legenda Situ Bagendit

1. Identitas Buku
a. Judul Buku : Dongeng & Cerito Nusantara : Legenda Situ Bagendit
b. Penerbit      : Karunia Jaya Surabaya
c. Halaman     : 118 halaman (hal 29-31)


2. Sinopsis
Saktunggaling desa wonten satiyang randha ingkang sugih, asmanipun Nyai Bagendit. Piyambakipun pelit sanget. Piyambakipun ugi sombong dening wong kere.

Saktunggaling dinten Nyai Bagendit ngawontenaken wilujengan amargi bandanipun minggah kathah. Nalika wilujengan punika kawiwitan, dughi satiyang pengemis. Kawontenan pengemis punika mrihatinke sanget. Awakipun kurus sanget uga rasukanipun compang-camping mboten karuan. "Tulung Nyai, paring kula sekedhik maeman" pengemis punika nyuwun dateng Nyi Bagendit. Ningali pengemis sepuh ingkang reged uga compang-camping mlebet dhateng griyanipun, Nyai Bagendit duka uga ngusir pengemis saking griyanipun. "Pengemis reged ora duwe isen, lungo kowe saka omahku" getak Nyai Bagendit. Kaliyan sedih pengemis punika banjur kesah. Wonten esok dintenipun masyarakat dipunribetaken kaliyan muncule biting ingkang nancep ing radin dhusun. Sedaya tiyan ngupados njebol biting ingkang nancep punika. Ananging, mboten enten ingkang saget.

Pengemis sepuh ingkang nedha tedha ing Nyai Bagendit muncul malih. Kanthi gelis piyambakipun saged njebol biting punika. Saknalika medal pancuran toya ingkang banyer sanget saking tipak biting kang nancep mau. Soyo dangu toya punika soyo banter lan amba. Amargi ajrih kebanjiran, penduduk dhusun punika ngungsi ing wilayah sanes kang langkung nduwur. Nyai Bagendit ingkang kikir uga tamak mboten kersa ninggal griyanipun. Piyambakipun tresna sanget marang bandanipun. Pungkasane, piyambake klelep sareng kaliyan banda-bandane. Saking kedadean menika banjur tlaga kang wonten daerah setempat pun arani situ menika diparengi nami Situ Bagendit.


3. Amanat
Aja gumun lan ajrih marang wong liya. Lan aja mikir akeh babagan banda lan aja serakah. Amarga banda mung minangka simpenan saka Gusti Allah